Theu këmbën dhe shfaqi probleme me zemrën, shtyhet sërish seanca për biznesmenin Pëllumb Gjoka

Aktualitet

Theu këmbën dhe shfaqi probleme me zemrën, shtyhet sërish

Është shtyrë sërish seanca për biznesmenin Pëllumb Gjoka, i cili u arrestua gjatë operacionit “Metamorfoza”.

Bëhet me dije se seanca ditën e sotme është shtyrë pasi Gjoka ka munguar në gjyq për shkak se ka probleme shëndetësore.

Gjoka ka shfaqur probleme me zemrën, i ka pasur aritmi gjë që e ka penguar që të bëjë edhe operacionin në këmbë, të cilën e theu pak ditë më parë në burg.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Seanca e radhës u caktua në datë 18 korrik ora 11.00. Kujtojmë që një javë më parë Gjoka ka thyer këtë të enjte këmbën në ambientet e burgut. Biznesmeni ka thyer këmbën teksa ishte duke u marrë me aktivitetet sportiv brenda ambienteve të burgut.

Biznesmeni Pëllumb Gjoka, u arrestua në 27 korrik të vitit 2023 gjatë operacionit "Metamorfoza" pasi emri i tij figuronte në përgjimet e aplikacionin "Sky" si porositës i një vrasjeje.

Nga hetimet dhe përgjimet e SPAK rezulton se Pëllumb Gjoka është i përfshirë edhe në vrasjen e Gjin Boriçit. Sipas përgjimeve të zbardhura nga SPAK, nga bisedat e kryera në aplikacionin SKY ECC, pjesëmarrës në këtë krim janë Pëllumb Gjoka, i cili në këto biseda, mban pseudonimin ‘Kolombo’.

Pëllumb Gjoka akuzohet për një sërë veprash penale duke nisur nga “Vrasja me paramendim”, “Shpërdorimi i detyrës” deri tek “Trafikimi i narkotikëve”, në bashkëpunim në formën e “Grupit të strukturuar kriminal”, “Krijim kushte për vrasje”.

Më herët Pëllumb Gjokës i është sekuetsruar edhe 390 mijë metra tokë në plazhin e Velipojës me kërkesë të Prokurorisë së Posaçme, pasi dyshohet se këto sipërfaqe janë përfituar me anë të falsifikimit.

ME TE LEXUARAT