Pas të shtënave në jahtin e biznesmenëve, Rama del vetë me skaf për kontroll (VIDEO)

Kryeministri Edi Rama është shfaqur në një video duke lundruar me skaf në det, pamje që janë publikuar në rrjetet sociale.

Videoja është komentuar edhe nga kreu i Partisë Demokratike, Sali Berisha, i cili ka reaguar me ironi përmes një postimi në rrjetet sociale.

“A mos është edhe ky skafi i Ermal Beqirajt?”, shkruan Berisha, duke e lidhur publikimin e videos me ngjarjen e fundit ku u raportuan të shtëna me armë në drejtim të jahtit të disa biznesmenëve.

Berisha nuk ka paraqitur prova për pretendimin apo pyetjen e ngritur në postimin e tij. Deri tani nuk ka asnjë konfirmim zyrtar se skafi me të cilin shfaqet Rama ka ndonjë lidhje me Ermal Beqirajn apo me ngjarjen në fjalë.

Ndërkohë, autoritetet vijojnë hetimet për incidentin e ndodhur në det, ndërsa rrethanat e plota të ngjarjes mbeten ende objekt i verifikimeve nga organet kompetente.