Pas dorëheqjes së Trudeau, Trump mesazh: Shumë kanadezë do të dëshironin që vendi i tyre të bëhej shteti i 51-të i SHBA-së

Donald Trump, menjëherë pas dorëheqjes së kryeministrit Justin Trudeau, riktheu propozimin që i kishte bërë, vetë Trudeau që Kanadaja të bëhej një shtet amerikan.

Në një postim në rrjetin e tij social, Truth Social, ai shkroi se "Shumë njerëzve në Kanada u pëlqen të jenë shteti i 51-të i SHBA-së ".

Ai shton se “Shtetet e Bashkuara nuk mund të mbajnë më deficitet e mëdha tregtare dhe subvencione që Kanadasë i duhen për të mbajtur veten nga fundosja. Justin Trudeau e dinte këtë dhe dha dorëheqjen”.

“Nëse Kanadaja do të bashkohej me SHBA-në, nuk do të kishte tarifa, taksat do të reduktoheshin shumë dhe ato do të ishin ABSOLUTISHT TË SIGURT nga kërcënimi i anijeve ruse dhe kineze që i rrethojnë vazhdimisht. Së bashku, çfarë Kombi i madh do të ishin!”.

Nuk ka kaluar as një muaj nga takimi i tij me Trudeau. Gjatë takimit, Donald Trump i sugjeroi Trudeau-t, raportoi konservatori Fox Neës, se nëse Kanadaja nuk mund të përballonte tarifat prej 25%, ajo mund të bëhej shteti i 51-të i SHBA-së.

Ai sugjerim, raportoi Fox në atë kohë, tërhoqi të qeshura nervoze nga kryeministri kanadez dhe të tjerët të pranishëm.