Pamjet/ Tritoli në zyrën e noteres Esmeralda Dauti, dëmet që la pas shpërthimi

Publikohen pamjet e zyrës së noterisë që shpërtheu në orët e ara të mëngjeist të sotëm në zonën e ish-Bllokut në kryeqytet.

Nga pamjet e siguruara, shihen copa xhami në trokë, si dhe një makinë e parkuar aty pranë është dëmtuar.

Noterja Esmeralda Dauti ka dëshmuar para “bluve” pas shpërthimit me tritol të zyrës së saj në zonën e ish-bllokut. Noterja është shprehur se nuk ka konflikte me njeri.

“Nuk kam probleme me njeri, nuk kam konflikte”, tha noterja.

Ngjarja e rëndë ndodhi rreth orës 04:10 dhe fatmirësisht raportohet vetëm për dëme materiale. Lënda plasëse ishte vendosur në derën e zyrës së noterisë.

"Më datë 30.01.2024, rreth orës 04:10, është marrë njoftim se në rrugën “Perlat Rexhepi”, në ambientet e jashtme të një noterie, dyshohet se ka shpërthyer lëndë plasëse, dhe si pasojë ka vetëm dëme materiale. Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.", njofton policia.