Nuredin Dumani, i penduari i drejtësisë konfliktohet keq me policin, i hedh kovën me ujë tek “313”-ta

I penduari i drejtësisë Nuredin Dumani është konfliktuar me një efektiv në ambinetet e paraburgimit te 313-ta.

Sipas gazetares Glidona Daci, ngjarja ka ndodhur më 5 gusht, ku Nuredin Dumani është konfliktuar me një nga efektivët e mbrojtjes së dëshmitarëve.

Gazetarja thotë se efektivi Rexhep Sina në orën 8:00 ka shkuar për te i pandehuri tjetër i drejtësisë Erjon Alibej, por kjo ka nervozuar Nuredin Dumanin, i cili më pas i ka hedhur policit një kovë me ujë.

Efektivi ka bërë një kallëzim në Prokurorinë e Tiranës lidhur me incidentin, për veprën penale “goditje për shkak të detyrës”.