“Nuredin Dumani do dëshmojë pa praninë e medias”, GJKKO pranon kërkesën e SPAK, revoltohen keq avokatët e të pandehurve

GJKKO ka pranuar kërkesën e SPAK për të zhvilluar gjyqin me dyer të mbyllura ndaj të penduarit të drejtësisë Nuredin Dumani.

Kjo gjë ka sjellë shumë pakënaqësi nga ana e avokatëve të pandehurve, të cilët pretendojnë se Dumani po mashtron me rrëfimet e tij, kështu që kërkon median që të bëjë rolin e arbitrit.

Kërkesën e bëri prokuroja Doloreza Musabelliu, e cila kërkoi që dëshmia e të penduarit të drejtësisë Nuredin Dumani të bëhej me dyer të mbyllura, me arsyetimin e ka dëshmi kofidenciale që nuk duhen bërë publike në media.

Mirëpo, kjo kërkesë u ndeshmë disa avokatë mbrojtës të të pandehurve në sallë, të cilët argumentuan se prezenca e medias ka shumë rëndësi.

“Kam 1 vit e gjysmë në burg dhe dua që fjala ime të jetë transparente dhe të bëhet me dyer të hapura”, deklaroi në gjyq i pandehuri Petrit Qoli.

 “Pavarësisht se në seancën e parë nuk ishte kjo kërkesë, duket e çuditshme pse prokuroria ka kërkuar një gjë të tillë. Sipas ligjit, kur dosja kalon për gjykim, nuk ka me sekret hetimor”, shtuan më tej avokatët mbrojës.

Edhe i akuzuari Adrian Uzuni kërkoi medoemos prezencën e medias në sallë, pasi pretendon se ndaj tij janë thënë gjëra të pavërteta nga "mashtruesi Nuredin Dumani":

“Unë jam baba i 3 kalamajve dhe media çfarë nuk ka shkruajtur për mua duke marrë për bazë fjalët e një mashtruesi. Unë dua që media të jetë në sallë dhe të dëgjojë. Dua vetëm drejtësi”.