Një i ri shkon në spital me plagë thike, policia e Tiranës nis hetimet për ngjarjen misterioze

Një 34-vjeçar përfundoi në spital të dielën, ku ndodhet jashtë rrezikut për jetën. Nga shtrati i spitalit ku mori mjekim për plagën e shkaktuar nga thika, ai bëri denoncim për forcat e rendit, duke zbardhur atë që i ndodhi kur po kalonte në Rrugën e Dibrës.

Sipas të riut, një person, të cilin ai ka thënë se nuk e njeh dhe nuk e ka identifikuar dot, e ka qëlluar me thikë.

Policia ka nisur hetimet për të zbardhur ngjarjen e ndodhur në rrethana të paqarta.

Njoftimi i policisë:

Më datë 04.07.2021, në Rrugën e Dibrës, në rrethana ende të paqarta, një shtetas ende i paidentifikuar e ka goditur me mjet prerës shtetasin E. Sh., 34 vjeç, i cili ndodhet në spital, jashtë rrezikut për jetën. Punohet për identifikimin, kapjen e autorit dhe sqarimin e plotë të rrethanave të ngjarjes.