Moti i keq lë pa energji katër qarqe, OSHEE raport për situatën

OSHEE ka raportuar per gjendjen e furnizimit me energji ne vend deri pas mesdites.

Ne kater qarqe te vendit ka pasur demtim te linjave te gtransmetimit si pasoje e fryrjes se lumenjve dhe eres se forte pergjate 24 oreve te fundit.

Raport ora 13:30

Aktualisht rajonet më të prekura nga defektet e shkaktuara nga moti i keq janë Vlora, Përmeti, Laçi dhe Bajram Curri.

Janë riparuar plotësisht defektet në rajonet e Fierit, Elbasanit dhe Korçës, sikurse kemi përmirësim të vazhdueshëm në rajonin e Durrësit, Shkodrës, Lezhës dhe Burrelit.

Ripërsërisim se 40% e fiderave janë stakuar si masë sigurie.

Referuar informacionit të orës 09:00 është bërë i mundur riparimi i defekteve në 65% të fiderave si dhe është rikthyer energjia në 58% e konsumatorëve të prekur në rang vendi.

Të stakuar janë dy fidera që furnizojnë hidrovorët Orikum dhe Gocaj (Lezhë).
Aktualisht po punohet në linjat 35kV Shkozet (Durrës) - Kavajë dhe në linjën Krastë – Bater (Elbasan).