Molotov dhe përplasje me policinë gjatë protestës para bashkisë Tiranë, ndalohet 38-vjeçari

Policia e Tiranës ka ndaluar 38-vjeçarin, E.V, pas protestës së dhunshme para bashkisë Tiranë, ku nuk mungoi përplasja me policinë dhe hedhja e molotovë në drejtim të institucionit.  38-vjeçari akuzohet për veprat penale, "Prishja e qetësisë publike", "Shkelja e rregullave mbi lëndët plasëse dhe djegëse", "Shkatërrimi i pronës me zjarr", dhe "Goditjet për shkak të detyrës".

Tiranë

 Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar më datë 14.05.2024, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaloi shtetasin:

 - E. V., 38 vjeç, banues në Kurbin, për veprat penale "Prishja e qetësisë publike", "Shkelja e rregullave mbi lëndët plasëse dhe djegëse", "Shkatërrimi i pronës me zjarr", dhe "Goditjet për shkak të detyrës". Materialet i kaluan Prokurorisë për veprime të mëtejshme.