Mesazhe me kode/ Artan Hoxha zbulon DETAJE se çfarë pa kur ishte në Belgjikë për "Toyota Yaris"

Gazetari investigativ Artan Hoxha ka zbuluar detaje të reja lidhur me mënyrën e komunikimit me rrjetet e kriptuara, ku mesa duket nuk bëjnë pjesë vetëm personat e botës së krimit.

Në fjalën e tij gjatë emisionit "Opinion", Artan Hoxha tha se bisedat i kishte parë kur kishte shkuar në Belgjikë për të dëshmuar për dosjen "Toyota Yaris".

"Kur isha në Belgjikë për Yaris, prokurët belgë kishin marrë shumë të dhëna nga aplikacionet e kriptuara. Me Sky nuk ke shënuar asnjë emër është e vështirë që të identifikohesh.

Por ata kishin pafund të dhëna komunikimi, por nuk i identifikonin dot. Telefona të tillë përdornin edhe politikanë, edhe punonjës policie. Komunikimi i kriptuar është i nevojshëm për botën e krimit.

Sot përdoret shumë Signal dhe Telegram. Rasti i Sky, prokuroria jonë duhet të marrë materialin, por ishte e vështirë që ta deshifroje. Mund të ndihmojë në shumë hetime,"-tha ai.