Mbytet në Porto Romano 56-vjeçari, peshkatarët gjejnë trupin

Policia e Durrësit njoftoi mëngjesin e sotëm se një 56-vjeçar është gjetur i vdekur. Blutë bëjnë me dije se viktima është mbytur në Porto Romano, ende nuk dihet shkaku, por në trupin e tij nuk ka shenja dhuna.

“Durrës/Informacion paraprak

Më datë 09.05.2021, në orën 07:35, në Porto Romano, është gjetur i mbytur në det nga peshkatarët shtetasi B. B.,  rreth 56 vjeç. Nga këqyrja paraprake nuk janë konstatuar shenja dhune. Grupi hetimor ndodhet në vendngjarje dhe po punon për zbardhjen e rrethanave të ngjarjes”, njoftohet policia.