Mbërrin në Durrës anija-muze ‘Amerigo Vespucci’, më e bukura në botë! Ja si mund ta vizitoni!

Ka mbërritur në Portin e Durrësit, "Amerigo Vespucci”, e konsideruar anija më e bukur në botë dhe që shërben për ture turistike anembanë ruzullit.

E konsideruar edhe si anije-muze, “Amerigo Vespucci” u nis nga porti i Ortonës në Itali, ajo do të qëndrojë në qytetin bregdetar deri në 11 prill.

Ndalesa në Durrës do të jetë e para nga dy të planifikuara jashtë vendit në turin e Mesdheut, së bashku me atë në Valetta të Maltës të planifikuar nga data 25 deri më 29 prill.

Vizitat në bord do të jenë të disponueshme:

9 Prill:

-Vizitat në grup: nga ora 12.30 deri në orën 14.00

-Vizita individuale për ata që kanë bërë një rezervim falas në faqe: nga ora 14:00 deri në 21:00

10 Prill:

-Vizitat në grup: nga ora 12.00 deri në orën 14.00

-Vizita individuale për ata që kanë bërë një rezervim falas në faqe: nga ora 14:00 deri në 21:00.