Mbërrijnë edhe 37 refugjatë afganë në Shqipëri, akomodohen në Qytetin Student

Të paktën 37 afganë kanë mbërritur në orët e para të mëngjesit të sotëm në Rinas.

Njoftimi zyrtar bën me dije se këta shtetas janë strehuar aktualisht në Qytetin Student, por në ditët në vazhdim do zhvendosen në Durrës.

Aktualisht, në vendin tonë janë strehuar 644 afganë, të larguar nga regjimi i talebanëve në Afganistan.

“Në orët e para të mëngjesit sot kanë mbërritur në aeroportin e Rinasit 37 shtetas afganë, duke e çuar në 644 nr total të mbërritur në më shumë se një javë në Tiranë.

Ata janë akomoduar në Qytetin Studenti, për tu transferuar në ditët në vijim në struktura hoteliere në bregdet”, shkruhet në njoftimin zyrtar.

Talebanët morën nën kontroll Afganistanin në javën e dytë të gushtit, pasi edhe presidenti i vendit u largua nga vendi. SHBA, e cila kishte afat të largohej nga vendi më 31 gusht, gjatë kësaj kohe bëri të mundur evakuuimin e sa më shumë afganëve.