Masakroi gruan me thikë në Bubq, gjykata lë në burg kameramanin 51-vjeçar

Gjykata e Krujës ka lënë në burg 51-vjeçarin Artan Ismalaja, me profesion kameraman, i cili disa ditë më parë vrau me thikë gruan e tij, Klarita Ismalaja, 45-vjeçe. Ngjarja e rëndë  ndodhi në fshatin Bubq, pranë një magazine.

Për motive ende të paqarta, 51-vjeçari goditi me thikë bashkëshorten duke i marrë jetën.

Ndërsa në gjendje të rënduar psikologjike ai tentoi të kryejë vetëvrasje, duke i shkaktuar veten plagë me thikë. Pas krimit të rëndë ai u dërgua në spital, ku prej asaj dite po merr trajtim mjekësor.

Edhe masa e sigurisë, 51-vjeçarit i është komunikuar në ambientet e spitalit të Traumës. Artan Ismalaja akuzohet për  “Vrasje në familje”.