Makina përplaset me fuoristradën në Lezhë, shoferi dhe pasagjerja përfundojnë në spital

Aksidentohen dy automjete në segmentin drejt fshatit Torovicë të Lezhës.

Shkaku i aksidentit sipas policise, ka qene lëvizja jo e kujdesshme e automjetit tip Benz në rrugën e ngushtë, duke mos mbajtur anën e duhur në kthesë.

Pas kësaj Benzi u përplas me një fuoristradë.

Si pasojë e aksidentit kanë mbetur të plagosur shoferi dhe pasagjerja e Benzit, të cilët ndodhen në spitalin e Lezhës jashtë rrezikut për jetën.

Policia ndodhet në vendngjarje, si dhe mësohet se rruga u bllokua për rreth një orë.