Librazhd/ Prej 6 muajsh pa ujë të pijshëm, banorët e fshatit Dardhë heqin gardhin rrethues të burimit të ujit

Banorët e fshatit Dardhë Spathar, në njësinë administrative të Bashkisë Librazhd, kanë ngritur shqetësime lidhur me aksesin në një burim uji që prej vitesh shërben për nevojat e komunitetit lokal.

Sipas banorëve, burimi ndodhet në një zonë pranë një objekti privat dhe kohët e fundit është rrethuar me gardh dhe tela, gjë që, sipas tyre, ka vështirësuar hyrjen dhe ndërhyrjet e nevojshme për mirëmbajtjen e rrjetit të furnizimit me ujë.

Të përballur me mungesën e ujit prej disa javësh, banorët kanë ndërmarrë sot veprime për të larguar pengesën e vendosur, duke argumentuar se ajo po ndikonte drejtpërdrejt në mundësinë e tyre për të siguruar furnizimin normal me ujë.

Komuniteti kërkon reagim dhe ndërhyrje nga institucionet përgjegjëse për të sqaruar situatën dhe për të garantuar një zgjidhje të qëndrueshme, duke siguruar akses të rregullt dhe të sigurt në burimin që, sipas tyre, ka qenë pjesë e furnizimit të zonës prej shumë vitesh.

Banorët shprehen se presin transparencë dhe një zgjidhje sa më të shpejtë, në mënyrë që problematika e ujit të mos vazhdojë të ndikojë në jetën e përditshme të komunitetit