Tërmet me magnitudë 3.1 godet Tiranën, ku ishte epiqendra

Lëkundje tërmeti janë regjistruar pak minuta më parë në kryeqytet.

Ka qenë një lëkundje kryesore, e cila është pasuar nga të tjera më të lehta, por duke qenë se ngjarja sizmike ka ndodhur vetëm pak momente më parë nuk ka informacion të mëtejshëm.

Sipas qendrës europiane për tërmetet, lëkundja ka qenë me magnitudë 3.1 rihter dhe për shkak të thellësisë së vogël nga sipërfaqja e tokës, është ndjerë edhe më i fortë.

Megjithatë, nuk ka vend për panik pasi lëkundje të tilla janë të zakonshme për rajonin tonë, për shkak të aktivitetit të lartë sizmik.

Lëkundjet janë ndjerë më të forta kryesisht në katet e larta të pallateve.