Kuvendi injoron kërkesën e Bardhit/ Nuk përfshin në rendin e ditës interpelancën me Ramën

Kuvendi ka injoruar kërkesën e Gazment Bardhit për interpelancë urgjente me kryeministrin Edi Rama për akuzat ndaj vëllait të tij Olsi Ramës për çështjen “Xibraka”.

Në faqen zyrtare të Kuvendit është publikuar rendi i ditës që do të diskutohet në seancën e të enjtes ku nuk përfshihet në asnjë pikë kërkesa e Bardhit për interpelancë me Ramën.

Më herët Olsi Rama, vëllai i kryeministrit reagoi duke bërë me dije se ka paditur Bardhin për kallëzim të rremë ndërsa e ka paralajmëruar se ose ai do të shkojë në burg ose Bardhi duhet të ndiqet penalisht për shkak se e ka cënuar si individ.

Nga ana tjetër Bardhi e quajti një letër qesharake padinë ndaj tij duke kërkuar sërish Ramën në Kuvend.