Kush janë kampionët antikorrupsion në vendet e botës së tretë

Shtetet e Bashkuara të Amerikës shpallin kreun e SPAK-ut, Altin Dumanin si “kampion i antikorrupsionit” për vitin 2024.

Vlerësimi u bë nga administrata në ikje e Biden në Departamentin Amerikan të Shtetit, ndërsa çmimi u dorëzua nga Sekretari i Shtetit të SHBA-ve, Anthony Blinken.

Por Altin Dumani nuk ishte i vetmi që mori këtë vlerësim nga DASH, ku në këtë listë bëjnë pjesë edhe 9 emra të tjerë si kamionë në luftën kundër korrupsionit. Mjafton t’i hedhësh një vështrim listës me emrat për të kuptuar se të gjithë nga vendet e botës së tretë.

Gambia, Panama, Nepal, Uganda, Armenia, Lebani, Azerbajxhani, Kazakistan dhe Kolumbia janë përfaqësuesit e këtyre shteteve që u shpallën kampionë të luftës kundër korrupsionit.

Drejtuesi i SPAK u nderua në një ceremoni në Uashington, pikërisht pak ditë pasi Partia Republikane në SHBA udhëhoqi miratimin e një rezolute ku thekson se goditjet e Dumanit ndaj opozitës janë të motivuara politikisht.

Jo vetëm kaq, por Blinken është akuzuar publikisht nga politikanët e lartë në Shqipëri për lidhjet e tij me miliarderin ultra-majtist, George Soros.