Kultivonte drogë në oborrin e shtëpisë, arrestohet 54-vjeçari në Krujë

Policia e Krujës ka bërë të mundur arrestimin e një 54-vjeçari në fshatin Halil, i akuzuar për kultivim të lëndëve narkotike. Blutë njoftojnë se shtetasi A.B, u arrestua në flagrancë, pasi u konstatua lënda e mbjellë në oborrin e banesës.

“Krujë/ Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Krujë, në bashkëpunim me strukturat e DVP Durrës, si rezultat i kontrollit në territor kanë evidentuar dhe goditur një rast të tentativës për kultivim të kanabisit në fshatin Halil, Fushë Krujë.

Në vijim të veprimeve, specialistët për Hetimin e Krimeve në Komisariatin e Policisë Krujë, arrestuan në flagrancë shtetasin A. B., 54 vjeç, banues në fshatin Halil, Fushë Krujë, pasi gjatë kontrollit të ushtruar në oborrin e banesës së tij, shërbimet e Policisë kanë gjetur të kultivuar fidanë të dyshuar cannabis sativa”, njofton policia.