Kthjellime dhe vranësira, ja parashikimi i motit për ditën e sotme

Moti në vendin tonë edhe ditën e sotme do dominohet nga kthjellimet, sidomos në pjesën e parë. Ndërsa në mesditë vranësirat do mbulojnë vendin, fillimisht në veri duke kaluar në të gjithë vendin. Sipas MeteoAlb, vranësirat parashikohet të mos shkaktojnë reshje shiu, ndërsa ky mot do vijojë deri në mëngjesin e të mërkurës.

Sipas MeteoAlb, temperaturat do rriten lehtë në mëngjes, duke mos ndryshuar në mesditë, me një luhatje 14 deri në 29 gradë celcius. Ndërsa era do fryjë me shpejtësi 40km/h nga drejtimi veri perëndimor, duke krijuar në det dallgëzim mbi 3 ballë.