Konflikti për motive të dobëta në Kurbin/ Iu nxori ar'mën tre personave, bie në prangat e policisë i riu (EMRI)

Një 34-vjeçar është arrestuar në flagrancë nga Policia e Kurbinit pasi kanosi me armë zjarri pistoletë tre anëtarë të një familjeje (babain dhe dy djemtë e tij) pas një konflikti të çastit për motive të dobëta.

Ngjarja ka ndodhur mbrëmjen e 22 gushtit në fshatin Adriatik, ku i riu me iniciale A. N. ka kërcënuar me armë shtetasit N. N., 72 vjeç, si dhe dy djemtë e tij M. N. dhe A. N., ndërsa këtë të fundit edhe e ka goditur me grushte.

Njoftimi: 
Kurbin / Finalizohet operacioni i koduar “Reagimi”.

Kanosi me armë zjarri pistoletë 3 shtetas (babai dhe dy djemtë), për motive të dobëta, arrestohet në flagrancë 34-vjeçari.

Sekuestrohen arma e zjarrit pistoletë e dyshuar e përdorur për kanosjen, 2 krehra dhe municion luftarak.

Shërbimet e Komisariatit të Policisë Kurbin, pas marrjes së informacionit se në fshatin Adriatik, 3 shtetas ishin kanosur me armë zjarri, kanë organizuar menjëherë punën për zbardhjen e rrethanave të rastit dhe kapjen e autorit.

Si rezultat i veprimeve të shpejta hetimore dhe operacionale, u finalizua operacioni i koduar “Reagimi”, gjatë të cilit u arrestua shtetasi:

N., 34 vjeç, banues në fshatin Adriatik, Kurbin, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Dëmtime të tjera me dashje”.

Ky shtetas dyshohet se, më datë 22.08.2026, rreth orës 20:00, në fshatin Adriatik, ka kanosur me armë zjarri, për motive të dobëta, shtetasit N. N., 72 vjeç, M. N., 43 vjeç dhe A. N., 50 vjeç (babai dhe dy djemtë e tij), si dhe ka goditur me grushte shtetasin 50-vjeçar.

Gjatë kontrollit në banesën e të arrestuarit, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën dyshohet se ka kryer kanosjen, 2 krehra dhe municion luftarak.

Materialet procedurale iu referuan Prokurorisë, për veprime të mëtejshme.