Kanosën me thi'kë një shtetas dhe i morën paratë me forcë, nën hetim dy persona në Elbasan

Një person është proceduar penalisht në Elbasan, ndërsa policia po punon për kapjen e një personi tjetër, pasi dyshohet se i kanë marrë me forcë një shumë të vogël parash një shtetasi.

Ngjarja dyshohet se ka ndodhur në Elbasan, ku dy personat, në bashkëpunim me njëri-tjetrin, kanë kanosur me thikë shtetasin dhe më pas i kanë marrë një shumë parash.

Pas marrjes së kallëzimit, Policia ka nisur hetimet për dokumentimin e plotë të rrethanave të ngjarjes dhe identifikimin e përgjegjësive të secilit prej personave të përfshirë.

Për njërin prej tyre ka nisur procedimi penal, ndërsa vijon puna për kapjen e personit tjetër të dyshuar.