Iu gjet 50 kg drogë në banesë, arrestohet në Berat 43-vjeçari i shpallur në kërkim

Policia e Beratit ka vënë një pranga një 43-vjeçar, banues në fshatin Pobrat të Dimalit i shpallur në kërkim që në Tetor të vitit të shkuar.

Armando alias Bledar Dyli në muajin tetor 2023, gjatë operacionit “Brothers”, uniformat blu gjetën në banesën e 2 vëllezërve 50.8 kg lëndë narkotike kanabis dhe 240 rrënjë bimë narkotike kanabis.

Vëllai i Armando Dylit u arrestua gjatë operacionit të zhvilluar një vit më parë.

Për 43-vjeçarin, Gjykata e Shkallës së Parë të Juridiksionit të Përgjithshëm Berat ka vendosur masën e sigurisë “Arrest në burg”, për veprat penale “Prodhimi dhe shitja e narkotikëve”, “Kultivimi i bimëve narkotike”, “Vjedhja e energjisë elektrike dhe impulseve telefonike”, në bashkëpunim.

Gjatë kontrolleve policia ka arrestuar edhe një 20-vjeçar, banues në lagjen “Uznovë”, Berat, pasi dyshohet se shpërndante lëndë narkotike.

Shërbimet policore sekuestruan një sasi lënde narkotike kanabis, 1 përforcues grushti dhe një peshore elektronike.