Arrestohet Ergys Agasi, i shumëkërkuar nga SPAK për dosjen e AKSHI

I shumëkërkuari i drejtësisë, Ergys Agasi është arrestuar nga policia pasditen e sotme.

Siç raportohet Agasi ka rënë në pranga në qytetin e Durresit, pasi eshte ndjekur nga policia teksa levizte nga qyteti i Elbasanit.

Rrethanat e prangosjes së tij mbeten ende të paqarta dhe priten të zbulohen në vijim.

Paraprakisht mesohet se Agasi ka qene ne shoqerine e nje ish oficeri te larte te policise.

Kush është Ergys Agasi?

Ergys Agasi është një emër i njohur në hapësirën publike, i lakuar gjatë viteve të fundit si në debatin politik, ashtu edhe në raportimet investigative mbi krimin e organizuar dhe korrupsionin e nivelit të lartë.

Emri i tij ka qenë në qendër të akuzave të përsëritura nga politika në vend, e cila e ka cilësuar si një personazh me ndikim të fortë prapaskene në vendimmarrje politike, emërime administrative dhe lidhje me pushtetin e mazhorancës.

Në kuadër të hetimeve të nisura nga SPAK për dosje të bujshme të korrupsionit, pastrimit të parave dhe pastrimit të produkteve të veprës penale, Agasi ishte shpallur në kërkim zyrtar pasi më parë ndaj tij ishin ushtruar kontrolle banese dhe sekuestro pasurish.