Identifikohet trupi i pajetë i gjetur në lumin Drini i Zi, 55-vjeçari vuante nga probleme të shëndetit mendor

Është identifikuar personi që u gjet pa jetë ditën e djeshme në ujërat e lumit Drini i Zi, pranë urës në qytetin e Kukësit.

Sipas Policisë, trupi i pajetë i përket shtetasit L. N., 55 vjeç, banues në fshatin Oreshkë. Viktima vuante nga probleme të shëndetit mendor dhe ishte shpallur i zhdukur nga familjarët më 27 korrik, të cilët kishin bërë kallëzim në Komisariatin Nr. 5 në Tiranë, pasi ai ishte larguar nga banesa dhe nuk kishin më kontakte me të.

Hetimet paraprake nuk kanë konstatuar shenja dhune në trupin e viktimës, ndërsa pista kryesore që po shqyrtohet është ajo e mbytjes aksidentale.

Grupi hetimor dhe ekspertët mjeko-ligjorë po punojnë për të përcaktuar shkaqet e sakta të vdekjes.