I riu thur plan ‘hakmarrjeje’ ndaj një vajze, policia gjen të djegur makinën në Korçë dhe...

Makina “Toyota” e një 32-vjeçareje është djegur qëllimisht në Korçë.

Burimet nga policia thanë se kanë arrestuar autorin e zjarrvënies.

Gjithçka ka ndodhur për motive të dobëta, teksa 31-vjeçari A.Gj ka menduar të “hakmerret” në këtë mënyrë, pas konfliktit që kishte me vajzën një vit më të madhe.

Nuk ka detaje të tjera mbi ngjarjen, teksa i riu tani do të përballet me akuzën e ngritur nga policia.

Njoftimi nga Policia e Korçës:

Specialistët për Hetimin e Krimeve në Komisariatin e Policisë Korçë bënë arrestimin në flagrancë të shtetasit A. Gj., 31 vjeç, banues në Korçë, pasi në lagjen nr. 4, Korçë, pranë vendit të quajtur “Ish-Fusha e Druve”, dyshohet se për motive të dobëta, ka djegur me zjarr mjetin tip “Toyota” në pronësi të shtetases S. B., 32 vjeçe, banuese në Korçë.