I dënuar me 3 vite burg për falsifikim të rezultateve zgjedhore, arrestohet 34-vjeçari në Kavajë (Emri)

Policia e Kavajës ka arrestuar 34-vjeçarin e shpallur në kërkim për falsifikim të rezultateve të zgjedhjeve. Në njoftimin zyrtar bëhet me dije se shtetasi Flamur Lika është dënuar me 3 vite burg, në mungesë.

“Specialistët për Hetimin e Krimit në Komisariatin e Policisë Kavajë bënë ekzekutimin e vendimit penal, për shtetasin në kërkim Flamur Lika, 34 vjeç, pasi Gjykata e Shkallës së Parë Kavajë, e ka dënuar me 3 vjet burg, për veprën penale “Falsifikimi i materialit zgjedhor dhe rezultateve të zgjedhjeve”. Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.