Greqia lë jashtë shqiptarët, hap kufirin për turistët e BE, mban të mbyllur Kapshticën

Greqia ka vendosur që të shtyjë me disa ditë hapjen e kufirit të Kapshticës me Shqipërinë, ndërkohë që ka hapur kufirin me vendet e Bashkimit Europian. Lajmi u bë me dije nga autoritetet greke, duke bërë me dije se kufiri do jetë i mbyllur deri më 26 prill.

“Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 26.04.2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve. Duke ju falenderuar për mirëkuptimin”, njofton pika kufitare.