GJK rrëzon ankimimin e ish-ministrit të Shëndetësisë, Ilir Beqaj për “Arrestin me burg”

Gjykata Kushtetuese ka rrëzuar ankimimin e ish-ministrit të Shëndetësisë, Ilir Beqaj.

Ai kërkoi lirimin nga masa e “arrestit me burg”, duke bërë një ankimim në Kushtetuese dhe duke e konsideruar atë të papajtueshme me Kushtetutën, raportohet sipas burimeve të Euronews Albania.

Gjithashtu, Beqaj kërkonte rigjykim në Gjykatën e Posaçme të Shkallës së Parë për Korrupsionin dhe Krimin e Organizuar, për çështjen e tij.

Beqaj po hetohet për dosjen e SASPAC, ku dyshohet se ka abuzuar me fondet e BE-së kur ishte në krye të kësaj agjencie.

Ndërsa për çështjen e sterilizimit, ish-ministri po ndiqet në gjendje të lirë. Në këtë dosje janë 8 persona nën akuzë.