Gjendet trupi i pajetë i 26-vjeçarit në Liqenin e Shkodrës, dyshohet se i riu vuante nga depresioni

Rreth orës 18:40 të ditës së sotme, nga Salla e Drejtorisë Rajonale të Kontrollit të Migracionit (DRKM) Shkodër është njoftuar për gjetjen e trupit të pajetë të një personi në ujërat e Liqenit të Shkodrës.

Peshkatarët lokalë kanë zbuluar trupin pa shenja dhune të shtetasit I. L., 26 vjeç. Sipas informacionit paraprak, dyshohet se i riu vuante nga depresioni.

Grupi hetimor është ngritur menjëherë në vendngjarje dhe po punon intensivisht për sqarimin dhe dokumentimin e plotë të rrethanave që çuan në këtë ngjarje tragjike.

Autoritetet vijojnë hetimet dhe nuk përjashtojnë asnjë pistë deri në përfundim të hetimeve.