Furgonin mbushur me 20 emigrantë, shoferi braktis mjetin në hyrje të Korçës, policia në ndjekje të tij

Goditet një tjetër rast i transportimit të emigrantëve të paligjshëm në zonën e Korçës. Një furgon me 20 emigrantë është kapur në fshatin Drenovë.

Drejtuesi i mjetit sapo ka parë policinë, ka dalë nga mjeti dhe është larguar.

Mësohet se ai po i transportonte emigrantët drejt Tiranës. Ndërkohë policia ka bërë të mundur identifikimin e autorit teksa po punon për kapjen e tij.

Nga ana tjetër emigrantët e paligjshëm janë transportuar në drejtorinë e kufirit për procedura të mëtejshme.