Familjari zbulon bisedën e fundit me viktimat: Po kalojmë mirë, kemi mbledhur kërpudha në pyll

Ditën e sotme do përcillen për në banesën e fundit 3 pjestarët e familjes nga Gjilani, që humbën jetën pasi u helmuan në Gjirin e Lalëzit. Mësohet se gjyshja, djali dhe nusja, kishin mbledhur kërpudha në pyll dhe i kishin gatuar, duke çuar në vdekjen e tyre. Vëllai i viktimës ka treguar për mediat bisedën e fundit më vëllanë e tij.

“Vëllai me çoi këtë foto dhe më tha qe ‘po kalojmë mirë, kemi mbledhur kërpudha ne pyll’. Djali ka ardhur pasi mësoi se familjaret u shtruan në spital. Në polici djali tha se vëllai nena dhe kunata kanë konsumuar kërpudhat e mbledhura në pyllin e Lalëzit. Djali do tërheqë trupat nga morgu i Tiranës, për t’i çuar në Gjilan ku do bëhet varrimi i tyre”, tha ai.

Kujtojmë se më herët në këtë mëngjes, janë arrestuar dy mjekët që i dhanë mjekimin e parë tre pjestarëve të familjes nga Gjilani. Mbi ta rëndon akuza “Mjekim i pakujdesshëm”, pasi ata nuk e kanë kuptuar helmimin, duke i dërguar në banesë pas një serumi.