Prej 4 vitesh përndiqte një shtetase, bie në pranga 47-vjeçari në Krujë

Policia e Durrësit njoftoi mëngjesin e sotëm se ka vënë në pranga një 47-vjeçar, i akuzuar për “Përndjekje”. Sipas bluve, shtetasi L.T, prej 4 vitesh, përndiqte shtetasen E.Q.

“Specialistët për Hetimin e Krimeve në Komisariatin e Policisë Krujë kanë arrestuar në flagrancë shtetasin L.T.,  47 vjeç,  banues në Krujë, pasi dyshohet se në mënyrë të vazhdueshme (rreth 4 vite) ka përndjekur shtetasen E.Q. Materialet i kaluan Prokurorisë së Rrethit Gjyqësor Durrës, për veprime të mëtjeshme”, njofton policia.