Emri, sherr me thika në Lushnjë! Plagoset 26-vjeçari, autori në pranga!

Erion Çrraga është arrestuar në Lushnjë pasi ka qëlluar me thikë një bashkëmoshatar pas sherrit.

Mësohet se i lënduar ka mbetur 26-vjeçari me iniciale A.Y., i cili po merr shërbimin mjekësor në spital. 25-vjeçari, autori i ngjarjes do të hetohet për dy vepra penale. 

"Shërbimet e Komisariatit të Policisë Lushnjë, menjëherë pas marrjes së njoftimit, për një konflikt ndërmjet dy shtetasve, në lagjen “Xhevdet Nepravishta”, kanë organizuar punën me qëllim zbardhjen e rrethanave të këtij rasti.

Si rezultat i veprimeve të shpejta operacionale, u bë e mundur kapja dhe arrestimi në flagrancë i shtetasit Erbion Çrraga, 25 vjeç, banues në Stan Karbunarë. Nga veprimet hetimore të deritanishme, dyshohet se 25-vjeçari, mbrëmjen e djeshme, në lagjen “Xhevdet Nepravishta”, Lushnjë, pas një konflikti të çastit, për motive të dobëta, ka goditur me mjet prerës (thikë) dhe i ka shkaktuar dëmtime të rënda, shtetasit A. Y., 26 vjeç, banues në Karbunarë , i cili ndodhet në spital, në kujdesin e mjekëve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”, njofton policia.