Emri/ Po lëvizte me motoçikletë, aksidentohet për vdekje shqiptari në Itali

Leonard Uruci është shqiptari që ndërroi jetë në Itali pas një aksidenti rrugor.

46-vjeçari po udhëtonte me motoçikletë kur u përplas me një makinë në Milano në rrugën Pisanello rreth orës 21:00 (18 qershor). Pavarësisht ndihmës së dhënë në spital fatkeqësisht shqiptari nuk arriti t'i mbijetonte plagëve të marra.

Paraprakisht sipas autoriteteve italiane 46-vjeçari, duke drejtuar një Ducati, po vinte nga Piazzale Brescia në drejtim të Piazzale Siena. Në semaforin që kryqëzon rrugën me Via Rembrandt, një shofer i një Peugeot 2008 u kthye djathtas, duke mos i dhënë përparësi Ducatit.

Motoçikleta goditi makinën dhe humbi kontrollin, duke u përplasur me tre automjete të tjera të parkuara.