“Edukoni djalin”, Meta i del në krah protestës: Dënoj me forcë abuzimin seksual (foto)

Protesta masive në Tiranë, pas përdhunimit të 15-vjeçares në Mirditë, është mbështetur edhe nga presidenti Ilir Meta. Ky i fundit përmes një postimi në Facebook, shkruan se dënon abuzimin seksual.

“Dënoj me forcë rastet e fundit të abuzimit seksual të vajzave në Shqipëri dhe solidarizohem në mbështetje të protestave qytetare kundër këtij krimi, që meriton ndëshkim të rëndë ligjor”, shkruan Meta.

E mitura për një periudhë kohore janar- maj, është përdhunuar nga 5 persona, 4 prej tyre të rritur, mbi 30-vjeç. Përdhunues ka qenë dhe i dashuri i saj, 17-vjeç.