E vranë dhe e hodhën në lumin e Shkopetit, flasin fqinjët e 23-vjeçarit Renis Dobra: Nuk i bëhej kjo gjë një fëmije

Një ngjarje e rëndë tronditi Matin këtë të mërkurë, ku 23-vjeçari Renis Dobra, u gjet i vdekur në liqenin e Shkopetit. I riu, nuk ishte kthyer në shtëpi prej orësh dhe ishte babai i tij i cili i alarmuar kishte shkuar në Polici ku dhe kishte bërë kallëzim për humbjen e të birit.

Menjëherë efektivët e Matit nisën kërkimet për të riun dhe u njoftuan më pas nga një banor i zonës për të trup të pajetë të cilin e kishte gjetur pranë liqenit. Kur shkuan në vendin e ngjarjes konstatuan trupin e pajetë të 23-vjeçarit.

Ndërkohë që për mediat kanë folur edhe fqinjët e të riut, të cilët kanë pohuar seë ishte një djalë i urtë dhe jo problematik,

 “Janë familje e mirë dhe ai si fëmijë ka qenë fëmijë, nuk merresh me një fëmijë, është krim ky. Nuk dimë çfarë të themi. I riu rregullohet! Familje shumë e rregull këtu në katun. Nuk e kemi gjë, fqinj jemi”, tha një prej fqinjve.

Kujtojmë se përmes një njoftimi zyrtar policia bëri me dije se mbrëmjen e djeshme, në Komisariatin e Policisë Mat u paraqit shtetasi me ininciale R.D, i cili kallëzoi humbjen e djalit të tij 23-vjeçar, Renis Dobrës.

Menjëherë policia nisi kërkimet, ndërkohë që më tej u lajmëruan nga një banor i zonës se buzë liqenit të Shkopetit kishte gjetur trupin e pajetë të një të riu dhe kishte një plagë në trup.

Kur efektivët mbërritën në vendin e ngjarje, ata kanë konstatuar dhe se në zonën e qafës kishte mavijosje çka ngjalli dyshime se Renis Dobra edhe mund të jetë mbytur me litar.

Dy janë shkaqet që mendohet se kanë çuar në këtë ngjarje të rëndë; një prishja e pazareve të drogës për shkak se në zonën përreth ka pasur raportime dhe ndërhyrje në parcela me kanabis; ose xhelozi për shkak të një marrëdhënie dashurie.