Digjet një makinë gjatë natës në Kavajë, i përket një polici

Policia e Tiranës njoftoi ditën e sotme se gjatë natës është djegur një makinë në lagjen nr.5 në Kavajë, që është në pronësi të shtetasit SH.B, 45-vjeç. Mësohet se pronari i makinës është një efektiv policie. Nuk dihet shkaku i kësaj ngjarje, por fatmirësisht ka vetëm dëme materiale.

 “Më datë 25.05.2021, në Lagjen nr.5, Kavajë, është djegur mjeti në pronësi të  shtetasit Sh. B., 45 vjeç, ku ka vetëm dëme materiale. Grupi hetimor po punon për përcaktimin e shkakut të rënies së zjarrit dhe sqarimin e rrethanave të ngjarjes”, njofton policia.