Zbulohet autori që dhunoi montuesin e kamerave Rigels Kaso nga Bilishti, shpallet në kërkim

Policia ka shpallur në kërkim një 34 vjeçar, i cili dyshohet se ditën e djeshme dhunoi Rigels Kason, 42-vjeçarin nga Bilishti.

Policia bën me dije se ka shpallur në kërkim shtetasin B.Gj, lindur në Peshkopi dhe banues në Tiranë.

Shtetasi B. Gj., ditën e djeshme, më datë 15.07.2024, në rrugën “Sokrat Miho”, dyshohet se për motive të dobëta, ka goditur me sende të forta shtetasin Rigels Kaso, 42 vjeç, banues në Bilisht, i cili ndodhet në spital, në gjendje të rëndë.

Njoftimi i policise

Në vijim të njoftimit paraprak të dhënë ditën e djeshme, më datë 15.07.2024, specialistët e Sektorit për Hetimin e Krimeve ndaj Personit kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe po punojnë për kapjen e shtetasit B. Gj., 34 vjeç, lindur në Peshkopi dhe banues në Tiranë.

Shtetasi B. Gj., ditën e djeshme, më datë 15.07.2024, në rrugën "Sokrat Miho", dyshohet se për motive të dobëta, ka goditur me sende të forta shtetasin R. K., 42 vjeç, banues në Bilisht, i cili ndodhet në spital, nën kujdesin e mjekëve.

Materialet i kaluan Prokurorisë për veprën penale "Plagosja e rëndë me dashje", parashikuar nga neni 88 i Kodit Penal.

I demtuari nga kjo ngjarje merrej me punime it dhe montime te sistemeve te kamerave.