Qëlloi nga ballkoni i banesës, ndërhyn renea, evakuohen banoret

Policia e Korçës ka reaguar në lidhje me të shtënat me armë zjarri të regjistruara mëngjesin e sotëm, të cilat terrorizuan qytetin juglindor.

Përmes një komunikate për mediat, blutë e Korçës bëjnë me dije se autori është shtetasi Edmond Naska, 71 vjeç, i cili është me probleme mendore. Ai ka qëlluar nga ballkoni i banesës së tij, apartament i katit të një pallati dhe më pas ka mbyllur derën e banesës. Ngjarja ka ndodhur në lagjen nr. 16 të Korçës, rreth orës 10:20.

Fatmirësisht nuk raportohet për të lënduar, teksa janë evakuuar banorët e pallatit. Uniformat blu kanë rrethuar banesën e 71-vjeçari, teksa po pritet ardhja e forcave RENEA për të ndërhyrë që ta neutralizojnë autorin.

Njoftimi:

Sot, rreth orës 10:20, në lagjen nr. 16, dyshohet se shtetasi E. N., 71 vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati).

Lexo edhe:
Të shtëna me armë në Korçë, autori mbyllet në banesë
Dhunuan një person për motive pronësie, arrestohen babë e bir në Korçë

Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.

Nga të shtënat nuk ka asnjë shtetas të lënduar.

Në drejtim të vendit të ngjarjes po shkojnë shërbimet e Repartit Special RENEA, për të ndërhyrë për neutralizimin e shtetasit E. N., i cili ka mbyllur derën e banesës.

Ndërkohë, shërbimet e Policisë, me masa sigurie për jetën e tyre, po mbajnë të rrethuar banesën.

Aktualisht nuk ka asnjë rrezik për jetën e banorëve.