Detaje nga krimi në Fier/ Gruaja la burrin dhe dy fëmijët për t’u lidhur me 23-vjeçarin

Një ngjarje e rëndë është regjistruar mbrëmjen e sotme në Fier, ku 23-vjeçari Xhimi Bakaj mbeti i vrarë.

Sipas burimeve mediatike, shtetasi Xhuliano Miho ka goditur për vdekje një 23-vjeçar, bashkëjetuesin e ish-gruas së tij.

Autori dhe viktima, fillimisht kanë debatuar më njëri-tjetrin, duke u konfrontuar më pas edhe fizikisht, duke bërë që 39-vjeçari ta godasë me thikë. Policia njofton se i riu si pasojë e plagëve të marra ka ndërruar jetë në spital, ndërsa autori është vënë në pranga.

Dyshohet se ngjarja ka ndodhur për motive xhelozie. Shkak për vrasjen e të riut sipas burimeve policore është bere divorci mes autorit dhe bashkëshortes më të cilën ka dy fëmijë. Kjo e fundit kishte disa muaj qe ishte larguar nga banesa dhe bashkëjetonte me 23-vjecarin. Autori e ka takuar në rrugë viktimën dhe pas një debati e ka qëlluar tre herë me thikë.