Vrau me thikë bashkëjetuesin e ish-gruas në Fier, policia zbardh detajet e para

Një konflikt i cili ka lënë pas një viktimë është regjistruar mbrëmjen e kësaj të premteje në Fier. Një 23-vjeçar ka mbetur i vrarë pasi u qëllua tre herë me thikë nga një 39-vjeçar pas një konflikti për motive të dobëta.

Ngjarja e rëndë ka ndodhur në rrugën "Ramiz Aranitasi",në Fier ndërsa mësohet se shkaku i konfliktit ka qenë për motive xhelozie, kjo pasi mësohet se viktima ishte bashkëjetuesi i ish-guras së autorit të vrasjes.

“Rreth orës 21:00, në rrugën "Ramiz Aranitasi", shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital. 

Shërbimet e Policisë kanë kapur dhe shoqëruar në Polici shtetasin Xh. M., dhe po kryhen veprimet e mëtejshme procedurale. Grupi hetimor po punon për sqarimin e rrethanave dhe dokumentimin ligjor të rastit.", - njofton policia.