BKH kontroll në gjashtë ambiente në Tiranë, Call Centeri çon në pranga 10 persona. Në kërkim bosët (EMRAT)

Byroja Kombëtare e Hetimit dhe SPAK kanë ushtruar kontrolle në disa kulla në Tiranë, duke arrestuar dhjetë persona.

Nga të dhënat paraprake, mësohet se operacioni i zhvilluar gjatë së premtes në disa kulla në qendër të Tiranës, kishte në fokus aktivitetin e Call Center.

Gjatë operacionit janë kontrolluar gjashtë ambiente, pasi Call Center lëvizte vendndodhjen për të shmangur lokalizimin.

Tre personat e njohur si bosat e Call Center, Agim Prekaj, Alfred Prekaj dhe Arjan Prekaj, janë shpallur në kërkim, ndërsa gjatë operacionit u arrestuan në kushtet e flagrancës R.Gj., E.Gj., D.Q., E.M., R.P., O.K.

Rezulton se prona ku u gjet biznesi nga Byroja Kombëtare e Hetimit është në pronësi të “C Property”.