Bëri kërdinë me vjedhje në Lushnjë, arrestohet 34-vjeçari

Policia e Lushnjës ka vënë në pranga një 34-vjeçari i cili akuzohet për vjedhje, ndërsa rezulton po ashtu i dënuar më parë për të njëjtën veprimtari kriminale.

Policia ra në gjurmët e tij bazuar dhe në kallëzimet e disa qytetarëve për vjedhje të kryera ditët e fundit. Nga veprimet hetimore dyshohet se gjatë 2 javëve të fundit, ky shtetas ka vjedhur 1 motomjet, shuma parash, produkte ushqimore dhe celularë, në disa banesa dhe dyqane, në fshatin Pluk.

Sakaq, vijojnë veprimet hetimore për dokumentimin e vjedhjeve të tjera që mund të ketë kryer 34-vjeçari, ndërsa materialet procedurale i kaluan Prokurorisë, për veprime të mëtejshme.