Baronët e drogës dërgohen në burgjet shqiptare, zbulohet numri i saktë i transferimeve nga Anglia

Zbulohet numri i shqiptarëve të transferuar nga burgjet angleze në ato shqiptare. Bëhet fjalë për vetëm 8 shqiptarë të burgosur që janë kthyer në vendin e lindjes për të vuajtur dënimin e tyre në një skemë 8 mln paund që synon të kthejë 200 vrasës, përdhunues dhe baronë droge, shkruan “The Sun”.

Në një artikull dedikuar të burgosurve shqiptare, “The Sun” shkruan se vetëm 8 kriminelë janë kthyer, ndërsa priten dhjetëra të tjera.

Skema dyvjeçare, e nisur në vitin 2023, ishte caktuar të dyfishonte numrin e shkelësve të huaj të dëbuar në 200. Megjithatë, burimet thanë se vetëm 8 nga 67 të listuar janë kthyer me avion në Tiranë.

Plani i riatdhesimit parashikon që Britania e Madhe t’i paguajë Shqipërisë 4 milionë paund në vit për të rikthyer të burgosurit e saj më të dhunshëm.

Marrëveshja fillestare përfshinte 12 vrasës, 8 përdhunues dhe më shumë se 100 të tjerë të akuzuar për vepra droge dhe armë zjarri.