Banesa në Lezhë përfshihet nga flakët, kryefamiljari përfundon në spital nga djegiet

Një zjarr ka përfshirë katin e 10-ë të një pallati në Lezhë. Ngjarja ka ndodhur pasditen e sotme në rrugën e Shtrausit.

Si pasojë e flakëve, ka pësuar djegie i zoti i shtëpisë i cili është dërguar në spital për mjekim.

Në momentin e zjarrit, pjesëtarët e familjes kanë qenë brenda banesës ndërkohë që flakët fillimisht kanë përfshirë ballkonin e shtëpisë.

Dyshohet se shkak i zjarrit është bërë një bombul gazi e cila ndodhej në ballkonin e shtëpisë.

Policia dhe zjarrëfikësit kanë shkuar në vendngjarje për të sqaruar rrethanat e këtij incidenti./Panorama