Balona përplaset me kabllot e tensionit, tre të vdekur në Gjeorgji

Siç transmeton kanali i parë i televizionit publik gjeorgjian (1TV), balona Cameron Z-315 u përplas me kabllot e tensionit të lartë.

Tre persona humbën jetën kur balona e tyre u përplas me linjat e energjisë elektrike pranë fshatit Asureti në Gjeorgjinë lindore këtë të mërkurë.

Balona Cameron Z-315 goditi kabllot e tensionit të lartë, duke shkaktuar goditje elektrike tek tre pasagjerët. Si pasojë, viktimat u gjetën të djegur.

Balona e ajrit të nxehtë ishte nisur nga Poti për në Parkun Kombëtar Vaslovani në përgatitje për thyerjen e rekordit botëror Guinness, sipas raportimeve të mediave në Gjeorgji.