Avokati i Sali Berishës, Sokol Mëngjesi goditet me levë hekuri tek "ish-Blloku", përfundon në spital

Tre persona ende të paidentifikuar kanë dhunuar me levë hekuri Sokol Mëngjesin, një nga avokatët e ish kryeministrit Sali Berishës.

Mëngjesi ndodhet në spital ku po merr ndihmë mjekësore. Ngjarja në zonën e ish bllokut. Policia ka nisur hetimet.

Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat. I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.

Gjendja e tij shëndetësore është e stabilizuar. Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve' informoi sot policia e Tiranës

Paraprakisht, dyshohet se pas dhunës është një gjyq për çështje pronësie, ndërsa ai njihet dhe si një nga avokatët e ish kryeministrit Sali Berishës.