Avioni i Azerbajxhanit u rrëzua, kompania ajrore: Ndodhi pas ndërhyrjes së jashtme fizike dhe teknike

Azerbajxhani Airlines ka reaguar në lidhje me rrëzimin e avionit duke hedhur akuza se avioni i pasagjerëve që u rrëzua në Kazakistan në ditën e Krishtlindjes u përball me “ndërhyrje të jashtme fizike dhe teknike”.

Të paktën 38 nga 67 personat në bordin e avionit u vranë në përplasje, konfirmuan autoritetet kazake, duke përfshirë dy pilotë dhe një stjuardesë.

Një zyrtar amerikan i tha CNN të enjten se indikacionet e hershme sugjerojnë se një sistem anti-ajror rus mund të ketë rrëzuar avionin e pasagjerëve.

Reuters gjithashtu raportoi se avioni u rrëzua nga një sistem rus i mbrojtjes ajrore, duke cituar burime të shumta pa emër në Azerbajxhan me njohuri për hetimin.

Rusia tha të premten se avioni i pasagjerëve u devijua nga destinacioni i tij fillestar në Grozny, Çeçeni për shkak të dronëve ukrainas në zonë, si dhe mjegullës.